Áigečállaga birra
ISSN
Deaddiluvvon: 0805-4312 (ásahuvvon 1994)
Elektrovnnalaš: 1894-0498 (ásahuvvon 2013)
Fágaguoibmeárvvoštallon sámegiel dieđalaš áigečála
Sámi dieđalaš áigečála (SDÁ) lea máŋggafágalaš dieđalaš áigečála mii almmuha sámedutkama guoski artihkkaliid, man Sámi allaskuvla ja UiT Norgga árktalaš universitehta Sámi dutkamiid guovddáš almmuhit ovttasbarggus. Vuosttaš nummar ilmmai 1994:s.
Máŋggafágalaš dieđalaš áigečála
Sámi dieđalaš áigečála lea sámegiel máŋggafágalaš dieđalaš áigečála mii almmuha vuosttazettiin dieđalaš artihkkaliid, muhto sáhttá maiddá almmuhit girjeárvvoštallamiid ja kommentára čállosiid. Áigečála almmuhuvvo dušše elektrovnnalaččat, ja lea nuvttá ja rabas buohkaide.
Áigečállaga doaimmahusgoddi bovde čálliid sáddet dieđalaš artihkkaliid ja eará namuhuvvon čállosiid áigečállagii, ja daid sáhttá sáddet sisa miehtá jagi.
Giella
Sámi dieđalaš áigečála almmuha sihke davvi-, julev- ja lullisámegillii.
Rabas dutkan
Sámi dieđalaš áigečála lea dieđalaš áigečállagiid ja lágádusaid Norgga registaris dohkkehuvvon almmuhankanálan 2. dásis, ovdamearkka dihte Nasjonalt vitenarkiv (NVA)-vuogádagas. Suoma publikašuvdnaregistaris lea Sámi dieđalaš áigečála dásis 1. Áigečála lea PKP Preservation Network mielde guhkitáigge vurkema geažil.
Open Access-bagadus
Buot sisdoallu Sámi dieđalaš áigečállagis lea rabas buohkaide. Dahkkivuoigatvuohta gullá čálliide.
2023 rájes almmuhuvvo visot sisdoallu Creative Commons Attribution 4.0 International liseanssa bokte, muhto čállit sáhttet válljet eará Creative-Commons liseanssa.
Buot artihkkaliid mat leat almmuhuvvon ovdal 2023 lea lohpi lohkat ja sirdit iežas dihtorii, muhto ođđasis-geavaheapmi ferte šihttojuvvot čálliin.
Áigečállagis eai leat makkárge divadat artihkkaliid sisasáddemis dahje gieđahallamis.
Indekserejuvvon:
- Bibliography of Indigenous Peoples in North America
- Diamond Discovery Hub
- DOAJ
- EZB Electronic Journals Library
- Kanalregister
- Zeitschriften datenbank
Neahttasiiddu birra
Sámi dieđalaš áigečála lea 2023 rájes sirdimin Wordpress neahttasiidduin dán geavahanvuogádahkii, maid Septentrio Academic Publishing doaimmaha. Buot Sámi dieđalaš áigečállaga sisdoallu sirdojuvvo dađistaga Septentrio geavahanvuogádahkii. Gaskaboddosaččat leat ain ovddeš almmuhuvvon nummirat ja eará dieđut olámuttus áigečállaga Wordpress neahttasiidduin.
Sámi dieđalaš áigečállaga Septentrio siidu galgá ollásit jorgaluvvot davvisámegillii go Open Journal System-prográmma geavahanlakta davvisámegiela várás lea ráhkaduvvon.
