Áigečállaga birra
Sámi dieđalaš áigečála – fágaguoibmeárvvoštallon sámegiel dieđalaš áigečála!
Sámi dieđalaš áigečála (SDÁ) lea máŋggafágalaš dieđalaš áigečála mii almmuha sámedutkama guoski artihkkaliid, man Sámi allaskuvla ja UiT Norgga árktalaš universitehta Sámi dutkamiid guovddáš almmuhit ovttasbarggus.
Sámi dieđalaš áigečála almmuhuvvo sihke bábirhámis ja elektrovnnalaš hámis, mii lea nuvttá ja rabas buohkaide.
Sámi dieđalaš áigečála lea sámegiel máŋggafágalaš dieđalaš áigečála mii almmuha vuosttazettiin dieđalaš artihkkaliid, muhto sáhttá maiddá almmuhit girjeárvvoštallamiid ja kommentára čállosiid. Áigečállaga almmuhit Sámi allaskuvla ja UiT Norgga árktalaš universitehta Sámi dutkamiid guovddáš ovttasbarggus. Vuosttaš nummar ilmmai 1994:s.
Sámi dieđalaš áigečala almmuha sihke davvi-, julev- ja lullisámegillii.
Sámi dieđalaš áigečála lea dieđalaš áigečállagiid ja lágádusaid Norgga registaris dohkkehuvvon almmuhankanálan 2. dásis, ovdamearkka dihte Cristin-vuogádagas. Suoma publikašuvdnaregistaris lea Sámi dieđalaš áigečála dásis 1.
Sámi dieđalaš áigečállaga doaimmahusgoddi bovde čálliid sáddet dieđalaš artihkkaliid ja eará namuhuvvon čállosiid Sámi dieđalaš áigečállagii, ja daid sáhttá sáddet sisa miehtá jagi.
Open Access-bagadus
Bout sisdoallu Sámi Dieđalaš Áigečallagis lea rabas buohkaide. Dahkkivuoigatvuohta gullá čálliiide. Bout sisdoallu lea Creative Commons Attribution 4.0 International vuolde, muhto čállit sáhttet váljjet eará Creative-Commons liseanssa. Áigečallagis ii leat makkarge diva sisasáddema dahje árvvostallama ovddas.
Sámi dieđalaš áigečála lea 2023 rájes sirdimin Wordpress neahttasiidduin dán geavahanvuogádahkii, maid Septentrio Academic Publishing (UiT Norgga árktalaš universitehta almmuhanbálvalus) doaimmaha. Buot Sámi dieđalaš áigečállaga sisdoallu sirdojuvvo dađistaga Septentrio geavahanvuogádahkii. Gaskaboddosaččat leat ain ovddeš almmuhuvvon nummirat ja eará dieđut olámuttus áigečállaga Wordpress neahttasiidduin. Sámi dieđalaš áigečállaga Septentrio neahttasiiddut galget ollásit jorgaluvvot davvisámegillii go prográmma geavahanlakta davvisámegiela várás lea ráhkaduvvon.
Starting with 2023, Sámi dieđalaš áigečála is moving from its Wordpress website to this platform, run by Septentrio Academic Publishing (a publishing service at UiT The Arctic University of Norway). All of the content will gradually be transferred to Septentrio. For the time being, you can still find a full overview of the issues and other journal information on Sámi dieđalaš áigečála's Wordpress website. Sámi dieđalaš áigečála's Septentrio website will be fully translated to Northern Saami, when the programme's interface for Northern Saami is developed.
