Ovttastallan: sámiid relašunalitehta ja dan vierut

Abstract

Relašunalitehta prinsihppa lea eamiálbmogiid máilmmeipmárdusa vuolggasadji. Dat lea maiddái eamiálbmotdutkamuša vuođđodoaba, mii hábme ee. metodologiijaid. Moai evttohetne, ahte ovttastallan-doaba ja dasa gullevaš vierut vástidit eamiálbmogiid relašunalitehta prinsihpa. Moai guorahalle njealje dábálaš ovttastallanvieru ja dan, mo ovttastallan sáhttá doaibmat otnábeaivuohkin ja metodan čoavdit hástaleaddji servodatáššiid. Dasa lassin suokkardetne mo ovttastallama vierut doibmet sámiid árbevirolaš soabadallanvuohkin, man mii dávjá geavahit muhto man árvvu dahje mearkkašumi mii eat álo fuomáš. Mo ovttastallan lea min árbevirolaš vuohki soabadit, čoavdit oktasaš hástalusaid, háhkat ođđa áddejumi ja oktasaš dieđu ja dáinna lágiin ovddidit servodathuksema ja buresveadjima? Manne lea dehálaš loktet ovttastallama vieruid árvvu ja sajádaga otná sámeservodagas?

English title: Ovttastallan: Sámi relationality and its practices

English abstract: Relationality forms the foundation of Indigenous worldviews. It is also a foundational concept of Indigenous research, shaping Indigenous methodologies and practices. In this article, we suggest that the Sámi concept of ovttastallan and related practices correspond to the principle of Indigenous relationality. We examine four common ovttastallan practices and the ways in which ovttastallan can function as an approach to address pressing challenges in Sámi society. Further, we consider how ovttastallan practices can serve as a form of Sámi confict resolution that are commonly used, but whose value or significance may often go unnoticed. How is ovttastallan our traditional way of resolving conficts and challenges, acquiring new understanding and knowledge, and thus advancing Sámination building and well-being? We also discuss why it is important to promote and recognize the value and role of ovttastallan practices in contemporary Sámi society.